DÈTZ

DÈTZ

FAQ / FÈIRA A LAS QUESTIONS

– Dètz, çò qu’ei aquò ? On demoratz ?

L’associacion Dètz qu’ei nascuda au mes de julhet de 2010, au parat de l’Estivada de Rodés, en Avairon. Que’s compausa de dètz professionaus de l’audiovisuau. Cadun qu’a las soas competéncias en imatge, son, comunicacion, web, musica, espectacle viu. La cultura e la lenga occitanas que teishen lo ligam entre nosautes.

En tot amassar las competéncias, Dètz que gausa l’experiénça d’un navèth mèdia occitan. Shens obligacions de formats, subjèctes o resultats, Dètz que vòu crear d’un anar descomplexat, a còps insolent. Lo collectiu qu’amuisha lo son « làbo » de creacion peu site detz.tv. Dètz qu’ei un mèdia que’ns sembla : experimentau, reactiu, plen de contradiccions, locau e interplanetàri.

Qu’èm basats a Tolosa, lo burèu qu’ei a l’Ostal d’Occitània, au numèro 11 de la carrèra Malcosinat (mètro Esquirol).

Dètz, qu’ei : Lila Fraysse, Mélanie Lerate, Pauline Plat, Séverine Veyrac, Caroline Dufau, Amic Bedel, Claude Foulquier, Laurent Labadie, Sanz Grosclaude, Raimon Gaffier, Fabien Salabert, François Douziech, Rodin Kaufmann, Valentin Belhomme. Dab la participacion de : Lucia Albert, Lucia n°2, Jeff Bonnier, Pierre-Simon Vidal, Daniel Vidal, Drac de Mauresca, Camille Martel, Celtill Jaja, Pierrick Bòrdanava, JulCab, Renaud...

– Perqué un mèdia en occitan ?

Los occitanofònes ne son pas hèra representats en lo paisatge mediatic, e n’an pas gaire l’escadença de víver la loa lenga en la vita vitanta. Shens nada voluntat d’estar representants, pòrta-votz o ambaishadors de qué que sii, que desiram portar proposicions. Per l’escambi de competéncias e ua platafòrma contributiu, que volem dinamizar e suscitar envejas de las creatius en occitan.

– Qu’organizi un hestenau/concèrt/vrespèr d’aniversari. E’m podetz har ua vidèo/spòt publicitari/captacion ?

Dètz n’ei pas un prestatari audiovisuau. Que causéishem nos-medishs los nostes subjèctes, e ne responem pas a quau comanda que sii. Totun, que’t caleré contactar Piget Production.

– Que parli/nhirgonhargui/mestregi l’occitan, e qu’èi un desir deus grans entà har vidèos. Quin har entà júnher lo collectiu Dètz ?

Dètz qu’ei ua associacion en ua dinamica de creacion e d’evolucion de tot dia. Qu’experimentam tanben un foncionament en collectiu, dab la personalitat de cadun. N’i a pas nada règla o camin tipe, entà júnher Dètz. Totun, que cau que lo contacte e passi de plan... Purmèr, que vam béver un còp, puish que’n parlam, d’acòrd ?

– Que realizi un filme/cort-metratge/emission en lo vòste parçan. Que’m hè necèra professionaus deus competents (opcion « occitanofòne »)

Dètz qu’ei un collectiu de professionaus actius e integrats en la ret locau. Los detzaires que son competents en imatge, son, infografia, produccion e post-produccion. Que tribalhan tanben atau com realizators, tecnicians, comedians, musicians, professionaus deu web, de l’imatge, de son, etc. Mei d’entresenhas en tot contactar lo collectiu peu formulari deu site.

 – The subjects/artists/groups/places you shot are really interesting... But there’s no english subtitles available. What the hell are you doing, lazy guys ?

We are really sorry about that, but we promise we’ll do it, and it won’t be long. Why don’t you learn occitan language first ? :)

Dètz

FAQ / FÈIRA A LAS QUESTIONS – Dètz, çò qu’ei aquò ? On demoratz ? L’associacion Dètz qu’ei nascuda (...)

Los mai vistes

Los partenaris